خلاص انا بشيل سبحه ومسواك
بتوب عن درب الهوى يعلم الله
مليت حبا فيه مثلك وشرواك
اخطيت في حبي واستاذن الله
دور على غيري مع الناس يهواك
ولابد تذكر عشرتي ذيك والله
ماكل واحد يحفظ السر وياك
جرب بنفسك شوف ان قدر الله
(((تبغيني انسى ماحصل واترجاك
بيني وبينك ياحلو يفتح الله)))
يوم انا احبك كنت افرح بطيرياك
لشفت زولك قلت ياقبلت الله
واليوم انا تبت من سواياك
مع السلامة روح ودعتك الله
ان كان غيري جاك بالمال واغراك
اعلم ترى رزق الخلائق عل الله
وقد تغنى بهذه القصيدة كثير من الفنانين ابرزهم خالد الملا في احد جلساته التى ابدع فيه !!!!!!!
موضوع: ياحلو يفتح الله 
الأحد مايو 16, 2010 8:18 pm
مزح