الصيف قرب

الصيف قرب

الصيف قرب وا عذابي من الصيف
يبي يروح الزين ماعاد ينشاف

لا غاب عن عيني حسين التواصيف
عز الله إني للشقاء صرت ميلاف

العام جرحي داخل القلب ماشيف
واليوم أخاف جروح فرقاه تنشاف

قلبي معه والدرب يمه صواديف
ليته بجنبي كان ما عندي خلاف

ياصيف ... لا تبعد قلوبٍ مواليف
ارفق ترى قلبي على جال ميهاف

في بحر حبه ما تفيد المجاديف
انشهد ان الدار لا غاب تنعاف


الشاعر عبدالله العليوي ( رحمه الله )