قصيدة لشاعر الجزيرة علي القحطاني

أشرق بنورك تنطوي صفحـة الليـل أنا عليك أخوف مـن الخـوف ذاتـه
ظلمتنـي يامتلـف الحـال بالحـيـل واللي بقى عندك مـن الظلـم هاتـه
ما أطفا عطش روحي معك وادي السيل مااروى ظمـا بغـداد جـاري فراتـه
أمشي معك عدل(ن) وتمشي معي ميل حاسب ضميرك وايقظـه مـن سباتـه
كل التعب والهـم والحـط والشيـل وأفكار شاعـر مقـدم العمـر فاتـه
لجلك ومن شأنك وقف وأسرّج الخيـل يبغـي يحقـق نصـر مُقلـق حياتـه
نطعم سـوى حلـو الليالـي المقابيـل واتجاهـل الماضـي معـا ذكريـاتـه
بالله وبأمـر الله وعـزم الرجاجـيـل أنـه يحقـق بالصـمـود أمنيـاتـه