ضحكه المغصوب

أنا مدري..عن الدنيا ..ولا أدري عن المكتوب
_____ دريت إن الفلك .. دوّار .. بعد مادارت أيّامي
0
000
أنا قلبي . سما صافي .. ينجم اللّيل يامحبوب
_____ حضنتك داخل فقلبي .. وجفن العين مانامي
0
000
حضنتك بالمسا . نجمة . وأصبحنا جمر مشبوب
_____ كفاية حارقٍ قلبي ..! نويت تحطّم عظامي
0
000
حسبتك تنقذ الغارق.! وتعطيني الأمل مشروب.؟
_____ تعشّمني وانا مدري ..؟ بأنّك ناوي إعدامي
0
000
مشيت إلك.بخطى عميا وتمشي لي بأثر محسوب
_____ طلعت الخاين الغدّار .. وهادم لذّة أحلامي
0
000
مشيت بدربي التايه ..وتوّهني وانا مغلوب
_____ ولا أدري.وش تخبي لي.؟ ليالي العمر قدّامي.!
0
000
ياربّي .. ياإله الكون .. يامفرّج ضيقة المكروب
_____ أنا صبري وصل حدّه .. وقلبي من القهر دامي
0
000
أبي أحزاني مع أفراحه.تجي قسمه .. وبالمقلوب
_____ كثر ماأشقتني ألامه .. وكثر ماأرتاح لآلامي
0
000
وابي عينه ..يلاعبها السّهر .. ويجي لها ملعوب
_____ وأبي همّه على وجهه .. ووجهه للفرح ظامي
0
000
وأبي الضحكة على شفاهه .. مثل مايضحك المغصوب
_____ وأبي صدره . مثل قبره .. يعيش أيّامه أوهامي
0
000
وأبي نهايته حسرة .. تمنّى .. لو رجع ويتوب
_____ ونهاية حسرته قصّة .. من إخراجي وإعلامي





.
تقبلوا تحياتي